Hello Nadia

‘n Ruk gelede het ek ‘n boek gekoop met ‘n aaklige prysplakker op die voorkant. Dit was ‘n gespook om die helder oranje ding te verwyder, sonder om die boek te beskadig. Daar is min dinge wat kan klou soos ‘n etiket.

Dit het my herinner aan ‘n dogter wat saam met my in die laerskool was. As gevolg van ‘n velaandoening het sy ’n knop op haar voorkop gehad. ‘n Onaansienlike gedoente, wat so groot soos ‘n halwe eier was. Natuurlik was sy genadeloos geterg en gespot. Jonk en oud het na haar verwys as “die kind met die knop”.

Gedurende een lang wintervakansie was daar ‘n mediese intervensie en die knop was verwyder. Die knop was weg, maar die etiket het vasgeklou. Nou het die kinders na haar verwys as “ die kind sonder die knop”.

Ironies genoeg, gebeur dieselfde ding wanneer ‘n mens jou eie lewensknoppe van foute, mislukking en dwaasheid uitsorteer. Daar is altyd iemand wat na die lelike lewensetiket herroep. Nou is jy die mens sonder die lewensknop.

Vir my is die goeie nuus dat God geen waarde heg aan lewensknoppe en etikette nie. In Johannes 8:36 kry ons die versekering dat as die Seun ons vrygemaak het sal ons waarlik vry wees.

Mag jy waarlik vry wees van klewerige goed soos foute, mislukkings en dwaashede, omdat jy jou Vryheid in Christus soek.

Bespreek aanlyn or in-persoon vandag

 ‘n Afrikaanse blog met bemoedigende boodskapp aan ʼn vriendin.

Die pragtig naam Nadia beteken ‘hoop’ en dit is waaraan sy vashou in die uitdagendste omstandighede.

Soms is dit eenvoudig te moeilik om omstandigehede in woorde te beskryf. Tussen verpligtinge en verantwoordelikhede sukkel ons as dames soms om by die nodigste uit te kom. Hierdie boodskappies gaan jou deur die rofste dae help, soos klein happies padkos.

Hier blog se boodskappe verskyn as kort briewe, artikels en vrolike stof tot nadenke.

"Die dapperste ding op aarde - wat jy vandag kan doen - is om op te staan nadat jy geval het. Opstaan is een van die eerste menselik pogings wat jy as 'n kind aangewend het toe jy begin loop het. Jy het weer en weer opgestaan totdat jy al dapper deur die huis gewaggel het. Wel, nou loop jy soos 'n elegante dame, maar net as jy begin deur op te staan. Nou is dit tyd om op te staan. Weer en weer, totdat jou binnekant moed skep. Dit is deel van hoop vir 'n beter more.

Deel van jou proses om hoop in jou hart toe te laat, is om jouself toestemming te gee om te mag lewe.

Deur te begin glo dat jy gelukkig mag wees begin jou lewe in 'n oogwink anders lyk. Die omstandigede is dieselfde, maar die hoop in jou hart verander die lense waardeur jy na jou omstandighede kyk. Mag jou dag vol vreugdevolle oomblikke wees.

 Maak aanlyn of in-persoon afspraak vanadag nog