‘n Bietjie liefde vir die kruidjie-roer-my-nie

In ons hedendaagse samelewing is baie mense so bevrees vir hul toekoms dat hul lewenslus en hoop al kleiner raak. In die werkplek en by die huis kan niemand dink dat hulle nie in totale beheer van alles kan wees nie.

Dit is presies die teenoorgesteldeén dieselfde as om in ‘n oorlewingswaan te wees. Almal word op ‘n afstand gehou met ‘n beleefde, neutrale: “Dit gaan goed, dankie”. Indien iemand hulp aanbied of meer geneentheid van jou verwag klap jy toe soos die kruidjie-roer-my-nie.

'n Kruidjie-roer-my-nie is 'n plant wat by aanraking sy blare vinnig kan toevou. Die Kaapse-kruidjie-roer-my-nie (Melianthus Comosus) is inheems aan Suid-Afrika. Dit is 'n struik wat vinnig groei en wat aromatiese blare het. Die klokvormige blomme is helderrooi met swart kolle aan die hals. Die pragtige plante trek voëls soos suikerbekkies aan. Gewoonlik is die blare snags opgevou en oordag uitgesprei, maar by aanraking kan die plant skielik sy blare toevou.

Nadia, my uitdaging vir jou in 2022 is om dit te waag om ‘n bietjie meer liefde, ondersteuning en vriendskap in jou lewe toe te laat. Laat toe dat die mense om jou kan sien watter pragtige mens jy is. Jy is lief vir ons Hemelse Vader, maar daar is ‘n groot vrees wat veroorsaak dat jy soos ‘n kruidjie-roer-my nie toeslaan as iemand naby jou kom.

Ja, mense kan seer maak en jou teleur stel, maar God se genade is elke oggend nuut, die son sal wel weer skyn en daar is liefdevolle, omgee-mense om jou. Die meeste mense ken nie die wonderlike mense in hul eie lewens nie, want hulle is te besig. Besig om ander vanselfsprekend te aanvaar en ons harte is toegepanser.

As die seer van trauma die lens geword het waardeur jy na die wêreld kyk is dit tyd om die lense skoon te maak of ‘n ander bril te kry. Jy is baie sterker as wat jy vandag voel. Jou gewilligheid om te probeer om mense toe te laat om jou te leer ken en lief te hê sal maak dat jy verander. Jy sal elke keer ‘n bietjie dapperder en wyser wees.

Waar begin ‘n mens? Begin by eenvoudige dinge. Deel wat vir jou mooi is en luister na wat vir ander pragtig is. Dit kan ‘n kleur, ‘n blom, musiek of ‘n dankie wees.

Waag om ‘n bietjie meer liefde en vriendskap in jou lewe toe te laat en onthou 1 Johannes 4:18-19. “Waar liefde is, is daar geen vrees nie, maar volmaakte liefde verdryf vrees, want vrees verwag straf, enwie nog vrees, het nie volmaakte liefde nie. Ons het lief omdat God ons eerste liefgehad het”.

As die uitdaging te moeilik is of die vrees het in jou hart vasgegroei kan ek help. Ek is ‘n oproep ver. Jy kan self ‘n afspraak bespreek sonder enige derde party wat baie vrae vra deur na my webwerf te gaan vir aanlyn- en in-persoon-afsprake.

Ek sien uit daarna om van jou te hoor.

Groete tot volgende keer.

Dr Barbara

Hallo Nadia

Elkeen het nodig om ‘n bietjie ligter te raak aan die einde van die jaar. In die jaar het ieder en elk swaar laste opgetel en hartseer, saam met teleurstelling, in die oë moes kyk. Die gebeure, drama en krisisse rondom COVID-19 was egter net ‘n seisoen in ons lewens. ‘n Lang seisoen waarvan die einde nog nie in sig is nie.

Ek het baie hoop vir die komende jaar. Dalk gaan dinge nog moeilik wees op die ekonomiese front, maar ons is waarlik geseën en uitgespaar. God is waarlik goed vir ons in hierdie seisoen waarin ons leef.

Hallo Nadia

Tussen die beurtkragsessies is daar soms ‘n kansie vir ‘n koppie koffie saam met my dogter. Die wyse jong vrou het my in alle erns gevra of ek weet van “fake accountability”? Dit is die vals verantwoordbaarheid wat mense gebruik om agter weg te kruip.

Hallo Nadia

Ek verstaan dat jou lewe vol persoonlike uitdagings is. Verhoudingsprobleme is nie eenvoudige sake met kitsoplossings nie.

Persoonlike probleme is baie meer kompleks as wat mense wil erken, omdat daar soveel op die spel is. Niemand kan net oppak en uit enige situasie loop nie, want daar is altyd groot emosies en finansiële implikasies.

Jy kan op ‘n klein bondeltjie sit en vir jouself jammer voel, terwyl jy wens dat jou lewe vanself sal verander.

‘n Stukkie van my hart.

My huis ruk op die oomblik na koffie en kaneel. Wanneer ek die kaneel ruik is daar ‘n plekkie in my hart wat onthou hoe heerlik my ouma Bessie se souskluitjies was. Sy was die enigste mens wat vir my as kleuter nagereg voor die regte kos gegee het.

Geure help ons om unieke dinge te onthou. Goeie en seer herinnering word op verskillende manier in verskillende plekke gestoor.

As helpers bêre ons stukkies van elke kliënt met wie ons werk in ons harte. Na meer as 30 jaar se berading is daar baie kosbare stukkies in my hart bewaar. Dit is daardie stukkies wat in my hart gespaar is wat my herinner om vir my kliënte te bid en om saam met hulle dankbaar te wees. Ek is so dankbaar wanneer jy moed skep en opstaan.

Ek kan al daardie stukkies in my hart bewaar, want elke iedere kliënt het op hulle beurt met ‘n stukkie van my hart weggestap. Die stukkies van ons harte wat ons so deel met mekaar help ons om te onthou om vir mekaar te bid. Die hartsgoed is ‘n ons-saak, want niemand is gemaak om alleen voort te sukkel nie.

Ons kan gewoonlik niks anders met mekaar se hartstukkies doen as om vir mekaar te bid en al die laste en sorge aan ons Hemelse Vader oor te gee nie.

Liewe Nadia, party keer is die laste wat met ons gedeel word so swaar dat ons dit nie kan oordra na God toe nie. Dit is om die tyd om dit oor te rol na Hom toe. Wanneer ek my kliënt se hartseer oorrol na die Here toe bid ek ook dat Hy vir daardie mens presies sal gee wat hulle nodig het.

Ek het geen voorskrif aan God van wat Hy moet doen of wat jy nodig het nie, want ek weet dat Hy allerwys is om vir jou in elke opsig te sorg.

God se genade vat ons verder as wat ooit kan droom.

Ek hoop jy het tyd vir ‘n koppie koffie saam met daardie vriend/in wat jou help lag. Lag soveel dat jou bekommernisse terug in perspektief val.

Geniet die dag.

Dr Barbara

Verskillende skakels.

Jy kan hier na al die Afrikaanse insetsels se potgooie luister.

Vir afspraak met Dr Barbara Louw

Inligting oor Christen Pastorale Beradingsopleiding deur Dr Barbara Louw by Kailo Training Institute.

Hallo Nadia

Terwyl ek vanoggend geskryf het aan die daaglikse brief van bemoediging het ek gedink aan die ou uitdrukking wat sê: “Aan die hand wat blomme gee, kleef ’n bietjie geur”.

Dit is so waar! Daar is ‘n paar hartstake wat elke dag eerste op my beplanningslysie verskyn. Die eerste drie prioriteite gaan oor die bemoediging en aanmoediging van ons vriende en kollegas. Of die sonskyn of dit reën, dit is ‘n hartsbesluit wat uitgevoer word.

Terwyl ek vanoggend skryf dat God ‘n mens nooit wees laat nie en dat Hy ‘n weg oopmaak waar daar gee pad is nie, het iemand vir my ‘n “deur” opgemaak. ‘n Kollega, wie ek nog nooit eers ontmoet het nie, het soveel moeite gedoen om ons opleidingsinstansie laat evalueer en by ‘n internasionale instansies aanbeveel. Dit is ‘n uitsonderlike gebaar van welwillendheid in ‘n kompeterende wêreld. In Psalm 23 sê Dawid dat net goedheid en guns sal my volg.

Ek weet dat ek kan nooit meer gee as wat ek ontvang het nie. Op die slegste tye in my lewe het ons getrou gewerk om mense te bemoedig en aan te moedig. Daar was tye wat ek gedink het ons het alles gegee en dat ek nie ‘n druppeltjie energie oor het nie, maar as die telefoon lui of iemand vir raad vra het die Here die wysheid en energie gegee.

Die rowwe deel van die blomme-idee is wanneer mense vir hulp vra en nie die hulp waardeer nie. Dit is asof jou beste gawe, die lewensblomme, vertrap word. Geen goeie daad wat jy vir iemand anders doen gaan ongesiens verby nie. Ons Hemelse Vader weet wat jy doen en wat jou hartsgesindheid is waarmee jy ander help.

Dit beteken as jy jou siek geliefde versorg of ‘n goedhartige daad vir iemand ander doen is dit soos om blomme te gee. Die geur bly op jou hande ongeag of jy ‘n dankie kry en of dit waardeer word. Doen wat jy doen met jou hele hart en die wonderlik geur van God se guns sal met jou wees.

As die dankies vir wat jy doen min en ver uitmekaar is, sê ek vandag dankie dat jy gehoorsaam en getrou is. Dankie dat jy geleenthede aangryp om menslikheid en die goedertierenheid van God te deel in ‘n gebroke wêreld. Moenie moeg word om goed te doen nie. Mag jy bewus word van die wonderlike geur van genade wat aan jou hand kleef wanneer jy blomme deel.

As jy vuisvoos voel en uitgeput raak is jy welkom om ‘n afspraak te maak sodat ek jou kan help om jou kop weer op te te. Ek is ‘n oproep ver. Jy kan self ‘n afspraak bespreek sonder enige derde party wat baie vrae vra deur na my webwerf te gaan vir aanlyn- en in-persoon-afsprake.

Groete tot volgende keer.

Dr Barbara

Aquilla Advisors cc(Co-owner)

Aquilla Training (Project Leader, Author and Facilitator)

Aquilla Wellness Solutions (Private Practice Owner)

Inter Trauma Nexus (Chief Executive Officer)

Kailo Training Institute (Dean)

Association for Christian Ministries (Co-founder and Project Manager)

Alles vir almal.

Ek is ‘n toegewyde ma, jarelange student, aktiewe gemeenskapslid en so meer. Ek het vir baie lank probeer om by meer dinge uit te kom as wat ek op twee hande kan opnoem. Dan was daar ook die ekstras. Krisisberading en trauma ontlonting wat eenvoudig moes gebeur anders word die bediening afgeskeep.

Sommige aande het ek teruggedink oor my dag en gewonder waar is die dag heen. Dit het gevoel asof die idee om alles vir almal te probeer wees dieselfde is as niks vir enige iemand. Ek weet nie of die stelling waar is nie, maar my energie was so uitgeput dat my sin van betekenisvolle werk en liefdevolle verhouding verdof het.

Natuurlik lyk jy nie soos ‘n springhaas nie, maar ek wonder of jy soms jou ore te veel uitleen. Nee, ek bedoel nie noodwendig dat jy na skinderstories luister nie. Luister jy na mense se ongevraagde en onwelkome menings en kry jy dan jou ore en jou hart in ‘n gehawende toestand terug?

Jou naam beteken hoop en elke keer as iemand jou naam noem spreek hulle hoop oor jou uit. Daar is egter mense wat meer menings as wysheid het.

Hallo Nadia

In ons omgewing is daar die tyd van die jaar ruspes wat ons sommer brandwurms noem. Hulle word gewoonlik verdra as hulle aan die tuinplante kraag, want binnekort verander hulle in papies wat in pragtige vlinders sal ontpop. As daardie goed op ʼn mense se vel kom, is dit ʼn ander storie.

Hallo Nadia

As dit rof gaan in ʼn mens se lewe is daar baie onrusbarende dinge wat ʼn mens raaksien. Dit is geen troos om die koerant op te tel of nuus te luister nie. Moord, politieke korrupsie, meningsgevegte en brandstofpryse dra nie by tot my siel se saligheid nie.

Daar is baie verstaanbare en onverklaarbare dinge wat ons harte met vrees kan vul.

Hallo Nadia

Baie dele van ons land het die afgelope tyd reën gekry en dit is asof hele gemeenskappe nuwe hoop gekry het. In sommige dele was daar skade maar die meeste mense is dankbaar vir die reën ten spyte van die verspoeling en oorstroming wat plek-plek gebeur het.

Soms spoel trauma en drama ook so deur ‘n mens se lewe en daarom het ek die webjoernaal na jou vernoem Nadia. Jou naam beteken mos hoop. Saam kan ons hoop in elke situasie innooi.

As ‘n berader het my lewenspad met die van ‘n mense in nood of traumatiese pyn gekruis. Die kontak was soms net ‘n paar uur of selfs vir ‘n paar minute. Vandag kan net ek baie dankie sê vir daardie oomblikke.

As helper hoop en bid jy dat jy ‘n verskil maak aan ander se pyn en lyding. Die werklikheid het my geleer dat elke mens met wie ek in kontak kom aan my hart raak.

Hallo Nadia

Dit is dou voor dag en ek hoor die mooiste voël geluide. Die afgelope tyd was baie bedrywig en die enigste manier om my verslae op datum te kry is om baie vroeg op te staan. Vir my is verslag skryf regtig werk, maar dit is tog ʼn goeie manier om nabetragting te doen.

Sien jy maklik scenario’s in die ergste graad en gevaar ooral? Sulke regte “worst-case scenarios”. Die goeie nuus is dat jou brein so saamgestel is om jou te beskerm teen gevaar en vir oorlewing.

Angs maak dat ‘n mens jou omgewing en interaksies met mense soos ‘n wafferse speurder die hele tyd bespied.

'n Kliënt vertel my nou die dag dat die storie wat sy my wou vertel anders in haar kop geklink as wat uiteindelik uitgeborrel het. Dit is nogal ‘n algemene probleem as jy, in jou gedagtes, sorgvuldig uitwerk wat jy wil vertel en wanneer jy jou belewenis probeer praat klink dit net ‘anders’. Anders, asof dit ‘n afgewaterde weergawe is waarvan party stukke verlore geraak het.

As jy nodig het om my te vertel wat in jou hart, gemoed en kop omgaan, fokus op jou weergawe. Jou storie is belangrik. Ander mense, selfs die in jou storie, het ander belewenisse. Hulle het hul eie stories.

Jou lewenstorie het unieke eienskappe. Jou lewenservaringe het unieke nuanses met hoogtepunte, laagtepunte en ontploffings. Jou belewenisse is belangrik, net soos wat jy belangrik is.

Gewoonlik vertel my kliënte hul stories in stukkies en brokkies. Hulle onthou later die detail van wat hulle uitgelaat het of vertel die hele storie uit ‘n ander hoek of op ʼn ander manier.

As jy my kliënt is kan jy jou storie soveel keer vertel as wat jy nodig het om sin te maak van jou ervaring of gevoelens en gedagtes. My rol is om jou te help om die deurbrake te kry wat jy na soek. Ek is jou metgesel wat help om krisisse en trauma te ontsyfer sodat jy heel kan word.

Jy kan 'n vertroulike afspraak maak op

Aquilla Wellness Solutions.

Hallo Nadia

Vandag wil ek ‘n diep gesprek uit my hart met jou deel. Die naam Nadia beteken hoop en ek wil vandag met jou die oorsprong van hoop deel. Die oorsprong van hoop is geloof.

Dit het my opgeval dat wanneer ek praat oor geloof word elke gesprek geswaai na die positiwiteit. Positiwiteit is nogal ‘n gonswoord (“buzz word”) van die tyd, want mense praat van positiewe sielkunde en positiewe versterking in opvoedkunde. Die positiwiteitsbeweging gaan oor die ingesteldheid om optimisties te wees en nie negatief na die lewe te kyk nie. Dit is dus ‘n gebruik of lewensuitkyk waar jy doelbewus na die positiewe in elke situasie kyk. Dis ‘n pragtige idee, maar dit is nie geloof nie.

Wanneer ek van geloof praat is dit vir my daardie diep innerlike wete wat groter is as my twyfel, pyn of enige deurmekaar gedagtes. Dit is ‘n gevestigde geestelike wete wat groter is as my lewenshouding of menslike redenasies. In Hebreërs 11:1 lees ek: “Om te glo, is om seker te wees van die dinge wat ons hoop, om oortuig te wees van die dinge wat ons nie sien nie”. Jesus het vir Thomas gesê: “Gelukkig is dié wat nie gesien het nie en tog glo”.

Ek glo God is my Vader en my Saligmaker. Jesus het ook gesê: “Maar aan almal wat Hom aangeneem het, dié wat in Hom glo, het Hy die reg gegee om kinders van God te word”. Dit soveel meer as positiwiteit, want dit is vir my ‘n geloofsaak. ‘n Saak tussen my en God wat deur niks verander kan word nie.

Nadia, ek glo dat die Bybel God se Woord is. Ek lees in 1 Korintiërs 12 van die genadegawes van God wat geloof, genesing en wonders insluit (Lees asseblief die hele hoofstuk). Vandag kan ek sonder ‘n sweempie van twyfel vir jou vertel dat ek glo dat God wonderwerke doen en drome waar maak. Ek glo dat ek omvou is met God se genade. Geen diagnose van beroerte, kanker of enige ongesteldheid sal my laat twyfel in God se genesende krag nie, want ek glo Hy is my Geneesheer.

Geloof is dus ‘n baie persoonlike saak wat elkeen van ons met ons Skepper moet uit maak, voordat die lewe ons klap, in die middel van elke lewenstorm en wanneer ons wonder wat het ons getref. Die feit dat slegte dinge in die lewe gebeur is werklik en ‘n positiewe lewensuitkyk help ons om vinniger op te staan.

Ek sal elke dag waag om vaste vertroue in God se genade te hê, wat my in staat stel om in genade besluite te neem en liefde te leef. My geloof sê dat ek weet God is in staat om ver meer te doen as wat ek ooit kon dink.

Nadia, hou vas aan jou geloof!

As jy vuisvoos voel en uitgeput raak is jy welkom om ‘n afspraak te maak sodat ek jou kan help om jou kop weer op te tel. Ek is ‘n oproep ver. Jy kan self ‘n afspraak bespreek sonder enige derde party wat baie vrae vra deur na my webwerf te gaan vir aanlyn- en in-persoon-afsprake.

My kantoor sal oop wees gedurende die feestyd viraanlyn- en in-persoon-afsprake.

Groete tot volgende keer.

Dr Barbara

Hallo Nadia

Het jy agter gekom dat die seisoen is stadig besig om te verander. Dit word stadig maar seker koeler wanneer die son sak. Dit is amper soos die pyn wat in helpers se harte kan inkruip. Helpers kan die slagoffers word van die mense wat hulle help. Ondankbaarheid, geniepsigheid en vlymskerp tonge veroorsaak gapende wonde.

Ja, helpers kan onsigbare slagoffers word. Niemand sien die pyn. Niemand sien die opofferings wat hulle maak om ander se lewens makliker te maak nie. Geen opleiding kan ‘n mens voorberei op die seer deel van naastediens nie, want dit kom uit oorde wat jy dit die minste verwag.

Wanneer ek beraders oplei is dit nie in my hart om hulle te leer hoe om ‘n wrede, hartelose samelewing in die oë te kyk nie. Ek wil mense leer hoe om hul wêreld ‘n bietjie minder wreed en harteloos te maak.

Dit is nie jou taak om ander mense se verwagtinge te bestuur nie. Jy kan nie die dinge wat jare geneem het om uitmekaar te val in minute regmaak nie. Hulle verwagtinge gaan nie oor jou vermoë om te help nie, maar die vraag is eerder of daardie mens gereed om jou hulp te aanvaar.

Jy is verantwoordelik vir jou emosionele en geestelike welstand. Soms is dit nodig om grense in jou lewe te stel om emosionele afknouery en boeliegedrag te stop. Grense laat ruimte sodat ek vir jou kan omgee en terselfdertyd na my welstand kan omsien. Grense is die afstand wat ons tussen mekaar stel sodat elkeen selfstandige volwassenes kan wees.

Mure is solied en nie- deurdringbaar nie. Grense is nie mure nie. Waar daar grense is, is daar ruimte vir groei en genade. Daar is vyf soorte grense wat ‘n mens nodig het. Dit sluit grense op fisiese, emosionele, verstandelike (kognitiewe), kommunikasie en tyd vlakke in. Hier is voorbeelde:

• Neem ‘n tree terug, want iemand is te naby (fisiese grens).
• Nee, jy kan nie my motor vir ‘n naweek leen nie (fisiese grens).
• Dit is nie ‘n onderwerp wat ek nou wil bespreek nie (emosionele grens).
• Ek het baie hooi op my vurk en ek kan nie nou betrokke raak nie (emosionele grens).
• Dit is heeltemal in orde as jy nie met my saamstem nie (kognitiewe/emosionele grens).
• Dit is in orde om van mening te verskil maar dit is nie aanvaarbaar om onbeleef te wees nie (kognitiewe/emosionele grens).
• Dit is nie aanvaarbaar as jy op die manier met my praat nie (kommunikasie grens).
• Ek vra om verskoning vir die wyse waarop ek met jou gepraat het. Dit is nie reg nie (kommunikasie grens).
• Laat my asseblief in die toekoms weet as jy laat gaan wees (tydgrens).
• Ek kan net vir ‘n uur bly (tydgrens).

Wanneer jy grense stel moet jy spesifiek wees oor presies wat jy wil hê. Doen dit met rustige selfvertroue, sonder om bang te wees vir konflik. As daar weerstand is, kan jy ferm herhaal wat jy verwag. Wees rustig in die wete dat jy mense kan help sonder om in ongewensde verhoudinge te wees, sonder om geboelie of mishandel te word.

Ja, waar daar grense is, is daar inderdaad ruimte vir genade. Wat jy ook al vandag doen, doen dit uit die goedheid van jou hart, met jou hele hart. Daardie mens wat langs jou staan doen moontlik hul heel beste om nie uitmekaar te val nie.

Dankie vir jou diensbaarheid. As dit nie vandag vir jou hulp was nie, is daar iemand wat slegter af sou wees. As jy grense stel is daar altyd ruimte vir genade vir jouself ook. Dit maak nie saak hoe moeilik gister was nie, vandag is ‘n nuwe geleentheid om jou God-gegewe roeping uit te leef. Hou met altwee jou hande aan jou droom vas.

Nadia, as jy vind dat dit moeilik of selfs onmoontlik is om gesonde grense te stel kan ek jou help. Ek is ‘n oproep vêr. Jy kan enige tyd ‘n afspraak bespreek, sonder enige derde party wat baie vrae vra, deur na my webwerf te gaan vir aanlyn- en in-persoon-afsprake.

Hier is die potgooi van die boodskap- Die boodskap was op 26 Februarie 2022 uitgesaai op Jacques H Botes se program op PretoriaFM.

Groete tot volgende keer.

Dr Barbara

 Maak aanlyn of in-persoon afspraak vanadag nog

'Hallo Nadia' is ‘n Afrikaanse webjoernaal deur Dr Barbara Louw.

Die pragtig naam Nadia beteken ‘hoop’. Die weeklikse webjoernaal is vir die mens wat nooit as te nimmer as 'n slagofferbeskryf wil wordnie, maar wie vashou aan hoop in die uitdagendste omstandighede.

Die boek 'Hartswysheid en Kopkennis vir Vriende' omskryf die lewensuitkyk wat die basis van die kort webjoernaalartikels vorm.

'Hallo Nadia' word geskryf vanuit 'n praktiese Christenperspektief. Dr Barbara is 'n veelsydige en kreatiewe 'deurbraak'-vennoot wat mense help om op 'n nuwe manier na die lewe te kyk. As ewige student, predikant, berader, lewensafrigter, outeur en kunstenaar gaan sy jou verras met die wyses waarop sy die misterie uit trauma, krisisse en heelwording haal.

Vir daaglikse bemoediging kan jy ook inskryf vir 'Vriende van Inter Trauma Nexus".